Dit is die plan met R59 se lewensgevaarlike slaggate

Motoriste het al groot skade aan bande gehad weens slaggate op die R59 tussen Parys en die N1 oorbrug.

3 hours ago

Liezl Scheepers 1 minute read

Die foto van die lewensgevaarlike slaggate op die R59 tussen Parys en die N1 oorbrug is vroeër geneem.

Terwyl ‘n kontrakteur steeds besig is met herstelwerk aan die teervlak op die R59 tussen Parys en die N1-oorbrug waar motoriste gereeld gestrand langs die pad staan met bandskade, gaan die paaie departement van môre (Dinsdag 1 April) help om van die ergste slaggate solank toe te maak.

Die kontrakteur sal ook nog tot einde April aan die pad werk, maar het die reënweer die afgelope weke groot uitdagings nie net vir die kontrakteur veroorsaak nie, maar ook bygedra daartoe dat slaggate nou ‘n selfs nog groter gevaar is. Veral ook saans en in nat en mistige weer.

Die afgelope naweek is twee mense beseer in ‘n motorfietsongeluk op dié pad, en sê padgebruikers dit raak lewensgevaarlik wanneer mense moet uitswaai vir die groot en diep slaggate.

Mnr. James Nkabinde, die Vrystaatse Departement van Paaie se hoof superintendent in die Fezile Dabi-streek, het vandeesweek bevestig dat die departement saam met die kontrakteur die week aan die pad sal werk ter wille van motoriste se veiligheid. ‘n Vergadering met die kontrakteur sal ook Woensdagoggend gehou word.

Daar is intussen ook bevestig dat van die paaie departement se spanne aandag sal gee aan slaggate op die R59 tussen Parys en Vredefort en op die N1 tussen Kroonstad en Sasolburg.

Foto’s wat vroeër van die slaggate op die R59 tussen Parys en Sasolburg geneem is.

Die foto is vroeër van die slaggate op die R59 tussen Parys en Sasolburg geneem.

At Caxton, we employ humans to generate daily fresh news, not AI intervention. Happy reading!

Stay in the know. Download the Caxton Local News Network App here.

3 hours ago

Liezl Scheepers 1 minute read

Liezl Scheepers

Liezl Scheepers is editor of the Parys Gazette, a local community newspaper distributed in the towns of Parys, Vredefort and Viljoenskroon. As an experienced community journalist in all fields for the past 30 years, she has a passion for her community, and has been actively involved in several community outreach projects as part of Parys Gazette's team.

Dit is die plan met R59 se lewensgevaarlike slaggate

Motoriste het al groot skade aan bande gehad weens slaggate op die R59 tussen Parys en die N1 oorbrug.

Liezl Scheepers

Uitlaat by Bloemhof verhoog vir beplande onderhoud

Koper, watermeters, stoptekens – als word weggedra